Фақат ва фақат футбол ҳақида!

-
Ассалому алайкум!
Эсимни танибманки футбол билан ошноман. Аксар болакайлар каби, милионлар ўйинига қизиқишимга дадам сабабчи бўлганлар. Ҳайрон бўлишингиз мумкин, лекин менга ўзимизнинг футбол кўпроқ ёқади. Европа футболига ҳам бефарқ эмасман, албатта. Англиянинг "Манчестер Юнайтед" ва Испаниянинг "Реал" жамоалари иштирокидаги ўйинларни мириқиб томоша қиламан. Шундай бўлсада, ўзимизнинг футбол, унинг атрофидаги воқеа-ҳодисалар, рўй бераётган исталган ўзгаришларни қолдирмасдан кузатиб бораман. Ишонмаслигингиз мумкин, лекин ўз вақтида жаҳон чемпионатининг энг муҳим ўйинини ташлаб, миллий чемпионатимиз ўйинини жонли кўриш мақсадида стадионга ташриф буюрганман. Майлида, савия борасида ер билан осмончалик фарқ бўлсада, "ўзимизникидан қўймасин" деган ақидага амал қиламан. 
Қачонлардир бизнинг футболда ҳам жамоаларнинг йиллик бюджети, сарф-ҳаражатлари, ўйинчиларнинг трансфер суммалари, уларнинг қизиқишлари, нима кийишни яхши кўришию, қайси ресторанда овқатланиши, дам олиш кунларини қаерда ва ким билан ўтказиши каби маълумотларни топиш оддий воқеликка айланади. Ҳар ҳолда шундай бўлишига ишонаман.
Онда-сонда миллий футболимизда рўй бераётган ўзгаришлар, кўпчиликни ёқа ушлашга мажбур қиладиган хабар ёки воқеликларга фикр билдиргим келади. Мазкур блогни очишдан мақсад ҳам шу аслида. Таъкидлаб ўтишим лозимки, ушбу блогда билдираётган фикрлар ўта шахсий ва сиз унга қўшилмаслик ҳуқуқига эгасиз.
Тез орада кўришгунча!


Комментарии

  1. Nodirjon Abdurasulov7 ноября 2017 г. в 11:02

    Menga ham o'zimizning futbol yoqadi. So'nggi paytlardagi o'zgarishlar bunga sabab bo'lmoqda. Paxtakor klubi judda katta islohotlarga qo'l urmoqda. Bu albatta yoqimli. Chunki mana 10 yildirki, ushbu klub o'yinlarini kuzatib kelaman.

    ОтветитьУдалить
    Ответы
    1. Улуғбек9 ноября 2017 г. в 08:35

      худо ҳоҳласа, жамоа кейинги йил бунданда кучаяди

      Удалить

Отправить комментарий

Популярные сообщения из этого блога

"СУПЕРЛИГА". 21-тур. "Қўқон-1912"–"Пахтакор". Фақат ҳакамлар ҳақида

-
Изображение
Бугун, аста-секин қизғин паллага кириб бораётган чемпионатимизда асосий ўйинлардан бири бўлиб ўтади. "Қўқон-1912"-"Пахтакор" қарама-қаршилиги 21-турнинг энг шиддатли учрашуви бўлиши кутилаяпти. Турнир жадвали нуқтаи-назаридан қаралса, беллашувнинг нақадар аҳамиятли эканлиги ойдинлашади. 3-4 даврада дастлабки олтилик жамоалари чемпионлик учун баҳс олиб боришини биласиз. Кучли олтиликда ўз имкониятларини яхшилаб олиши учун интилаётган "Пахтакор" Қўқондан фақат ва фақат ғалаба билан қайтиши лозим. Ўз навбатида, "Қўқон-1912" жамоаси ўша олтиталикка кириб, кейинчалик совринли ўринлар учун кураш олиб бориши учун "Пахтакор"ни нима қилиб бўлсада мағлуб этиши талаб этилади. Ўйин атрофида тарқалаётган турли хил миш-мишлар, бўлар-бўлмас гаплар, қизиқарли башоратлар ўйинга ҳакамлар бригадаси тайинланганидан кейин янада авж олди. ПФЛ бўлажак баҳсга Шерзод Қосимов бошчилигидаги ҳакамлар гуруҳини тайинлади. Бош ҳакамга қанотларда наманганли
Далее...

ОЧЛ плей-офф ўйини. Жамоаларимиз тайёрми? "Насаф" ҳақида

-
Изображение
Бир оз аввал Катар пойтахти Доха шаҳрида "Ал-Гарафа"га қарши майдонга тушиб гуруҳ босқичига йўлланма берувчи ягона ўйинда кураш олиб борадиган Тошкентнинг "Пахтакор" жамоасининг бўлажак баҳсларга кўрган ҳозирлиги ҳақида маълумот бериб ўтган эдик. Энди худди шу ракурсда Қаршининг "Насаф" жамоасига тўхталиб ўтамиз . Хўш, Р.Бердиев шогирдлари бўлажак муҳим беллашувга қанчалар тайёр? Рақиби бўлмиш Иорданиянинг "Ал-Файсали" жамоаси ҳақида нималар биламиз? Шу ва шунга ўхшаш саволларга жавоб излашга уриниб кўрамиз. Олдинга ўтиб шуни айтиш лозимки, гарчи қаршиликлар таркибида сезирларли йўқотишлар юз берган бўлсада, жамоа ягона ўйиндан иборат ўтиш учрашувини ўз майдонида ўтказади. Устига устак, жамоа рақиби "Ал-Файсали"га бўлган ҳурматни сақлаган ҳолда айтиш мумкинки, иорданияликдар гарчи ўз мамлакатида етакчи жамоалар қаторида зикр этилсада, қитъа топ клублари сафига кирмайди ва уларни ҳатто "Насаф"нинг бугунги таркиби ҳам қи
Далее...

ОЧЛ-2018. "Локомотив" бўлажак "жанглар"га тайёрми?

-
Изображение
2018 йил футболимиз учун муваффақиятли бошланди. Дастлаб Хитой майдонларида "U-23" терма жамоамиз тарихий ғалабани қўлга киритган бўлса, кейин Қаршининг "Насаф" клуби ОЧЛ гуруҳ босқичига йўлланмага эга чиқди. Тўғри, Тошкентнинг "Пахтакор" клуби ҳам гуруҳ босқичига йўл олганда бахтимиз тўкис бўлар эди, лекин начора, Ш.Арвеладзе шогирдлари ўз хатолари эвазига Снейдер ва Таремиси бўлган "Ал-Гарафа" тўсиғидан ўта олмади. Навбат мамлакатнинг амалдаги чемпиони ва кубок соҳиби "Локомотив"га. М.Йеличич шогирдлари учун маъсулиятли палла бошланмоқда. Хўш, "темирйўлчилар" бўлажак баҳсларга, умуман бошланажак янги мавсумга қандай ҳозирлик кўришди? Жамоа таркибига кимлар келдию, кимлар тарк этди? Жамоа олдига қўйилган вазифалар нималардан иборат? Келинг, қўйида шу ва бошқа саволларга жавоб топишга уриниб кўрамиз. Тайёргарлик ҳақида . 2017 йилги мавсумни ҳаммадан кейин якунлаган "темирйўлчилар" сўнгги ўйинини 4-декабрь куни
Далее...